Ebro ibaiak Castejonen sei metroko altuera hartu du gaur eta N-113 errepidea itxi behar izan dute. Gauerditik aurrera ibaiak berriz gainezka egiteko arriskua dago, eta alerta egoeran daude. Goizaldeko 03:00ak aldera izan daiteke une kritikoena. Gau osoan uholde txikiak izateko arriskuan daude honako herriak: Tutera, Fontellas, Ribaforada eta Buñuel. Hala ere, urtarrilean eta otsailean izan ziren uholdeak baino txikiagoak izango direla esan du Nafarroako Larrialdi Agentziak.
Nafarroako Gobernuak emandako informazioaren arabera, Arga ibaian, Iruñea aldean, ez dago arazorik.
