Egigurenek eskaera bat egin du, Otegiri espetxera bisita egiteko

Arnaldo Otegiri bisita egin nahi diola esan du Jesus Egiguren PSE-EEko presidenteak. Logroñoko (Espainia) espetxean dago hura, eta baimena eskatu du horretarako. Bisita hori onartu ahal izateko, Otegik berak ere egin behar du eskaera. Ezker abertzaleko kidea askatzea ere galdegin du Egigurenek. Haren esanetan, espetxean mantentzeak haren figura politikoa sendotzen du, eta, bere ustez, horrek mesede egiten dio lehendakari izateko balizko hautagai moduan.