'Egin' egunkariaren agiri funtsaren %40 baino ez dago ikertzaileentzat erabilgarri

BILBO. Euskadiko Artxibo Historikoan dago Egin-en agiri funtsa, Bilbon, egunkariak Hernanin zuen egoitzatik eraman ostean. Mikel Aizpuru Eusko Jaurlaritzaren Kultura Ondareko zuzendariak adierazi duenez, instalazioak «erabat abandonatuta» zeuden, eta, beraz, «funtsaren % 40 baino ez dago ikerketa lanetarako erabiltzeko moduan». Espainiako Auzitegi Nazionalak 1998an itxi zuen kazeta, eta Jaurlaritzak iazko abenduan lortu zuen auzitegi horren baimena material horren ardura bere gain hartzeko.