Bihar Parisen antolatu dutenaren atarian, manifestazioa egin dute Baionan, Ipar Euskal Herriko auzapezek deituta eta eragile ugariren babesarekin.
Jendetza batu da Euskaldunen plazan, Charlie naiz afixak eskuetan. Baionako Herriko Etxean ere jarri dute banderola handi bat, Baiona Charlie da zioena. Parte hartzaileen artean komunitate musulmaneko kide ugari ere ikus zitezkeen.
Baionan ez ezik, ordea, Mauleko Lextarren ere elkarretaratzea egitekoa zuten gaur goizean. Bihar, berriz, jendetza espero da Parisen egingo den mobilizazioan.
