Atristainekin batera, beste hainbat lagun ere zigortu zituen Espainiako Auzitegi Nazionalak. Horietako bat izan zen Ibai Beobide; hogei urteko zigorra ezarri zioten. Beobidek ez zuen helegiterik aurkeztu. Beste bost laguni, berriz, zazpi urte eta erdiko zigorra ezarri zieten: horietatik hiruk helegitea aurkeztu zuten.
Eider Zuriarrain eta Euri Albizuren kasuan Auzitegi Gorenak absolbitu egin ditu, froga faltagatik: poliziei egindako autoinkulpazio aitortzak ez dira nahikoak epailearen ustez. Juan Mari Maizkurrenak ere helegitea aurkeztu zuen, baina zigorra berretsi du auzitegiak.
