Ekhiñe Eizagirre. Erlezaina

Ekhiñe Eizagirre (1984, Zarautz, Gipuzkoa) iazko azaroan irten zen espetxetik, ETAko kide izatea leporatuta Frantzian lau urtez espetxean egon eta gero. «Lur hartzen» ari da orain, antropologiako gradua ikasten, besteak beste, eta erlezain dabil aitarekin. Gazte hasi zen herriko mugimendu feministan, eta Bilgune Feministako kide da geroztik. Ikuspegi horrek aukera eman dio gogoeta egiteko militantziaren eta espetxeen balio maskulinizatuei buruz. Fleury-Merogisko eta Fresnesko espetxeetan protestak egindakoa da. Kartzelan idatzi zuen lehen poema liburua: Alde erantzira nabil (2016).