Goizean gertatu da hilketa Bidarten (Lapurdi), etxebizitza batean. Samuel Vuelta Simon Baionako prokuradoreak BERRIAri azaldu dionez, hildako emakumearen senarra dago atxilotuta. Familiaren bidez izan du abisua Poliziak. Gizona etxean itxi da, eta 13:00 aldera entregatu du bere burua. Ospitalera eraman dute.
Hildako emakumeak 70 bat urte zituen, prokuradorearen arabera. Gizonak, 80 bueltan.
Zer gertatu den aztertzen ari direla azaldu du Vuelta Simonek. Hilketa indarkeria matxistarekin lotu ote duten galdetuta, adierazi du bi aukera nagusi dituztela mahai gainean: "liskarren bat" gertatu izana edo biek beren buruaz beste egiteko erabakia hartu izana.
Bi astean Euskal Herrian hil duten laugarren emakumea da. Apilaren 20an Gasteizen gizon batek ama-alaba batzuk hil zituen. Pasa den astean, berriz, Donibane Garazin beste emakume bat hil zuten eta bikotekidea ikerketapena daukate.
