"Hemen irabazle bakarrak enpresak eta bankuak dira. Banco Santander eta Caixa hasieratik egon dira erraustegiaren proiektuaren atzean, eta hala daude orain ere. Dirutza irabazten ari dira gure kontura", salatu dute Erraustegiaren Aurkako Mugimenduko kideek. Donostian ziren biltzekoak gaur, hain zuzen ere, egungo aldundiak defendatzen duen proiektua "haien negozioa" dela salatzeko. "Gure osasunaren kontura ez dira aberastuko! Ozen diogu: gure esku dagoen guztia egingo dugu errauste planta ez eraikitzeko, baina eraikitzen badute ere, ez dugu guk finantzatuko! Jakin dezatela banku honetako zuzendariek gure diruarekin ez dutela kontatzen".
Santander bankuaren aurrean, egoera azaldu dute erraustegiaren aurkakoek @ErrausAurkMugipic.twitter.com/HiaomDNMua
— Estitxu Zabala (@EstiZabala) 2016(e)ko urriak 15
Helburu horrekin, kalejira jendetsua egin dute hasi aldundiaren paretik eta Banco Santanderrek hirigunean duen egoitzaren pareraino. Han, maindire zuriz estalita protesta egin dute manifestariek. Bidean, aldundiaren eta erraustegiaren aurkako oihuak izan dira nagusi.
. #erraustegirikez oihua @santander_es aurrean. Aurreko proiektua sostengatu zuten honek eta @FundlaCaixa k pic.twitter.com/c96mBe1XwT
— Estitxu Eizagirre (@eeizagirre) 2016(e)ko urriak 15
Agerraldiaren amaieran, datozen egunetan herriz herri agertuko diren kartelak ere aurkeztu dituzte. Bertan salatzen da erraustegiaren bultzatzaileak "herritarren osasunaren eta diruaren kontura" aberasten direla.
