ERROBI IBAIAK GAINEZKA EGIN DU

Mareen koefiziente handiagatik, Baionako alde zaharreko saltegietara Errobiko ura sartu zen atzo goizaldean, baita arratsaldean ere. Uholdeei aurre egiteko, hondarrez betetako zakuak jarri zituzten, baita hodi luze batzuk ere, lehen aldiz, esperimentazio gisa; azkenean, kalteak ez ziren hain larriak izan. Aturri bazterretan ere izan ziren ondorio zenbait; bide zenbait moztu zituzten. Olatu handiak espero direlako, Eusko Jaurlaritzak alerta gorria ezarriko du gaur iluntzean, kostan.