Ertzaintzak indarrez hustu du Aizpurutxoko geltoki okupatua

Ertzaintzak indarrez hustu du gaur arratsaldean Aizpurutxoko (Azkoitia, Gipuzkoa) geltoki okupatua. Gaztesarea.info webguneak jakitera eman duenez, Ertzainak heldu diren unean hiru gazte zeuden etxe okupatuan. Gazte horiek salatu dutenez, "Ertzainek ez zuten epailearen agindurik, baina barrura sartuko zirela esan digute. Joan etorri batzuen ostean, paper batekin azaldu dira, utzarazteko agindua ez zena baina hartaz baliatuz utzarazi lanari hasiera eman diotena. Kolpeka hasi eta gutxira lortu dute atea botatzea, eta barneko gazteak identifikatzen eta kanporatzen hasi dira".