Ertzaintzak Partizan saskibaloi taldearen jarraitzaile bat atxilotu zuen atzo Gasteizko Buesa Arena pabiloian, sexu eraso bat egitea egotzita. Baskonia eta Partizan taldeak Euroligako partida jokatzen ari zirela atxilotu zuten gizonezkoa. Gaur utzi dute epailearen esku, baina hark aske uztea erabaki du gero.
Saski Baskoniak «erabateko babesa» agertu dio erasoa jasan duenari, eta indarkeria mota guztiak gaitzetsi. «Horrelako jarrerek ez dute tokirik kirolean, ezta inongo esparrutan ere», gaineratu du Gasteizko klubak.
