Eskola publikoko murgiltzearen alde

Sare publikoko irakasleek eta gurasoek antolatuta, protesta egin zuten atzo Donibane Lohizunen (Lapurdi), akademia ikuskaritzaren egoitza aitzinean, Frantziako Gobernuak euskarazko murgiltzea abian jartzeko esperimentazioa eten duela salatzeko. Gurasoen adostasunarekin, beste hiru ikastetxetan eskatu dute euskarazko esperimentazioa —Angelun, Ainhoan (Lapurdi) eta Irisarrin (Nafarroa Beherea)—, baina eskaria ez diete onartu. Gobernuak, gainera, murgiltzearen aurka egin du, ez duelakoan frantsesa ikastea bermatzen. Tokiko erakundeei eta ordezkariei begira jarri dira gurasoak eta irakasleak: ekiteko eskatu diete.