ESKUBIDEEN ALDE, BOGA!

Euskal presoen eskubideen defentsan ehunka lagun bildu ziren igandean, Donostian. Kontxako estropada eguna izanik, traineruak osatu zituzten Bulebarrean, Herrira mugimenduak antolatuta. Lurrean eseri ziren, eta Herrira-ko baloiekin jolasean eta arraunean aritu ziren, Azken ziaboga ekitaldiaren barnean. «Presoak kalera, amnistia osoa» aldarrikapena entzun zen adibidez. Gaixo dauden presoak askatzeko eskatu zuten, besteak beste.