Gaur goizaldean izan dira atxiloketak, 01:00ak aldean. Bi atxilotuen etxeak miatu dituzte. Espainiako Barne sailburu Alfonso Alonsok esan duenez, ihes egindako etakideei dirua ematen zien atxilotuek; zehazki Cabo Verdera eta Venezuelara joandakoei.
Askatasunak kezka azaldu du bi atxilotuek jaso dezaketen tratuagatik eta "bereziki" Moralesen osasun egoerak kezkatzen dituela diote. "Torturak ahalbidetzen duen inkomunikazioa altxatu diezaieten exijitu" dute. Gainera, "daraman apostu errepresiboa baztertu eta gatazkaren
konponbidean urratsak eman ditzan" eskatu diote Espainiako Gobernuari.
ATXILOKETAK
Espainiako Poliziak bi lagun atxilotu ditu Ugaon
Espainiako Poliziak Pedro Felix Morales (58 urte) eta Andres Larrea Aranzabal (56 urte) atxilotu ditu Ugaon (Bizkaia). Polizia iturrien arabera, ETAren finantzaketa sarearekin lotuta daudelakoan eraman dituzte bi lagunak. Askatasunak "gogor" salatu ditu atxiloketak eta "inkomunikazio garaian jaso ditzazketen tratu txarren aurrean beldurra eta kezka" agertu dute. Jakinarazi dutenez, Moralesi "puxika berri bat jarri zioten minbizia zuelako, eta 10 minuturo pixa egitera joan behar du". Operazioak irekita jarraitzen du.
Iruzkinak
Ez dago iruzkinik
Ordenatu
