Eneko Goieaskoetxeak utzi egin du gose greba, Erresuma Batuko Belmash espetxeko zuzendariarekin adostasunera iritsi delako. Hizkuntza dela medio bisitetan izan dituen arazoak konpontzeko borondatea du zuzendariak, Etxerat-ek jakinarazi duenez, eta, beraz, baraua uztea erabaki du presoak.
Bestalde, Jacint Ramirez gazte independentista libre utziko dute 20.000 euroko bermea ordainduta. Iazko maiatzetik preso zegoen Soto del Real espetxetik aterako da (Madril). Xalbador Ramirez eta Endika Perez gazteekin batera atxilotu zuten Basusarrin (Lapurdi), eta euroagindua onartuta Espainiaratu zituzten.
Espetxearekin akordioa lortu duenez, gose greba utzi du Goieaskoetxeak
Jacint Ramirez preso donostiarra espetxetik aterako da, 20.000 euroko bermea ordainduta
Iruzkinak
Ez dago iruzkinik
Ordenatu
