«ETAren erabateko porrotaren alde» dago UPD alderdia

UPD alderdiak Eusko Legebiltzarrean egoten jarraitu nahi du, besteak beste «ETAren erabateko porrota, muturrekoa eta betikoa» nahi duelako. UPD alderdiak ETAren eta haren «konplizeen» inguruan «dagoen isiltasuna» salatzen jarraituko duela agindu zien alderdiko buru Rosa Diezek atzo Gasteizen egindako ekitaldira bildutakoei.

UPDk duen euskal legebiltzarkide bakarrak, Gorka Maneirok, ustelkeriatik urrun daudela esan zuen. «Zerrendetan inputaturik ez daraman alderdi bakarra gara». Bere alderdiak «ez du amore ematen» abertzaletasunaren aurrean; «erakutsiko dugu ez gaituela bere egin». Maneirok «estatu sendo bat» nahi du, herritar guztien « berdintasuna» bermatzeko. Krisia eta independentzia dira «mehatxu nagusiak».