Europako 21 hizkuntzak ez dute nahikoa babes digitalki garatzeko

«Europako hizkuntza gehienak digitalki iraungitzeko arriskuan daude». Ondorio horretara iritsi dira kontinenteko 200 bat aditu. Hizkuntza teknologietan lanean ari diren 34 herrialdetako 60 ikerketa zentrotako ikerlariek aztertu dute hizkuntzen egoera digitala. Europako 80 hizkuntzetatik,30 ikertu dituzte, eta ohartarazi dute horietatik21ek digitalki garatzeko babes eskasa dutela edo batere babesik ez dutela. Oinarri digitalean, euskara «arrisku handiko» multzoan jarri dute, galegoarekin, katalanarekin, grezierarekin eta hungarierarekin, besteak beste. Babes egokia duen hizkuntza bakarra dago, ikerlarien arabera: ingelesa.