ICANN erakundeak jakinarazi du hurrengo fasera igaro diren domeinuen artean .eus dagoela. Urtarrilean zabaldu zuen domeinu berriak eskatzeko aukera, eta ia bi mila izen aurkeztu ziren.
Urte bukaeran jakingo da zein onartuko dituzten. ICANNek egitasmoen baliabideak kontuan hartuko ditu, besteak beste.
Zertarako izan daiteke .eus? Bultzatzaileen arabera, "Internetek kultura aniztasuna mailarik gorenean kokatzen du, eta, horren baitan, gaur egun euskarak eta euskal kulturak Interneteko aterpe teknologiko propioa izan dezakete .eus-ekin. Ikur hori euskara eta euskal kultura sustatzeko tresna izango da. Domeinuak euskara lehen mailako hizkuntza bihurtuko du Interneten".
