Korrikaren bizigarriak beste kimu bat ernatu du gaur. Euskal Herrian jaio da, Bidaxunen (Nafarroa Beherea), La Passem okzitanieraren aldeko korrikaldia. Gaurtik igandera bitartean 400 kilometroko ibilbidea egingo du Okzitanian barrena, Korrikaren antzeko lekukoa eskurik esku aldatuz.
En exclusivitat la purmèra foto deth ligam! pic.twitter.com/K8a8IUNHzF
— Ligams / La Passem (@Ligamsligams) 2018(e)ko apirilaren 8(a)
Jean Rene Etxegarai Euskal Elkargoko presidenteak hartu du lekukoa La Passemen lehenengo metroetan. Etxegarai Bidaxuneko eskola publiko elebidun berriaren irekieran izan da aurretik.
Inauguracion de l'escòla bilingua de Bidaishe. Partença de #LaPassem dens mensh d'ua òra! pic.twitter.com/bMEPHlkHb1
— Ligams / La Passem (@Ligamsligams) 2018(e)ko maiatzaren 25(a)
Abiatu da @Ligamsligams Bidaxunen! pic.twitter.com/S9IKalyH8K
— Andoni Lizeaga (@lizeaga) 2018(e)ko maiatzaren 25(a)
Hizkuntzaren transmisioari egiten dio erreferentzia egitasmoaren izenak. Pasatu edo transmiti dezagun, esan nahi du La Passemek okzitanieraz.
Daniel Barneix egitasmoaren antolatzaileetako batek BERRIAri azaldu zionez, 400 kilometroetan txandak egiteko nahikoa boluntario biltzea izan da Ligams elkartearen lehen helburua. Bigarrena, hizkuntzaren transmisioaren inguruko kontzientzia piztea litzateke, eta, hirugarrena, dirua biltzea, gau-eskolei eta Calandreta okzitanierazko hezkuntza sustatzeko elkarteari laguntzeko.
La Passemekin, handitzen jarraitzen du Korrikaren kimu zerrendak, eta Euskal Herriko “zoro” haien filosofiak hedatzen jarraitzen du. Barneixek deiak jaso ditu Alsaziatik; han ere Korrika moduko bat egin nahi dute 2019. urterako. “Korrika ideia zoragarria da: hizkuntzak asko intelektualtzen ditugu, eta jende askok errazago egiten du bat halako gauza ludiko batekin”.
Europn hizkuntza gutxituen alde antolatzen diren zazpi lasterketek Eurokorrika sarea osatu dute, hizkuntza horien aldarrikapen bateratuak egin eta batera lan egiteko.
