Euskal Lurralde Elkargo «errealista» bat nahi dute

BAIONA. Euskal Lurralde Elkargo «errealista» bat xede dutela, beren proposamenaren berri eman zuten atzo Jean Telletxea EAJko hautetsiak eta Beñat Intxauspek, EAJtik hurbil den kontseilari nagusiak. Ipar Euskal Herriaren gobernantzari buruzko eztabaida «aberastu» nahi dute. Hogei bat hautetsi aritu dira gogoetan, EAJk daukan elkargo proposamena oinarri gisa harturik.