Iaz zeregin berberetarako eman zuen kopuruari eutsiko dio. Gaur argitaratu du deialdia Eusko Jaurlaritzak, Euskal Herriko Agintaritzaren Aldizkarian, eta eskabideak hilabeteko epean aurkeztu beharko dira, Biktimen eta Giza Eskubideen Zuzendaritzaren bulegoetan edo Internet bidez.
EAEtik kanpo egoitza duten terrorismoaren biktimen elkarteak —horien kideen artean EAEn gertatutako ekintza terroristen biktimak izanez gero— eta irabazi asmorik gabeko beste pertsona juridiko pribatu batzuk izan daitezke laguntza horien onuradun —azken horien kasuan, betiere EAEn egiten badira eta EAEn gertaturiko ekintza terroristen biktimei laguntzeko berezko helburua badute, edo bakea eta giza eskubideak edo horren hezkuntza sustatzen badute—.
