Fermin Vila Mitxelena irundarra Belfasteko auzitegian epaitzen ari dira, Espainiako Auzitegi Nazionalak egindako bi eskaera direla eta. ETAko kide izatea egozten dio Auzitegi Nazionalak, eta, hori argudiatuta, Espainiaren esku uzteko eskatua dio Ipar Irlandari, bi euroagindu igorrita.
Horri erantzunez, 2010eko ekainean atxilotu zuten Vila Belfasten, eta preso daukate ordutik. Urrian ere beste euroagindu eskaera bat aztertu zuen Belfasteko auzitegiak, baina ez zuen onartu. Atzo hasi eta bihar amaituko den epaiketan Espainiaren eskaria onartzen badute, estraditatu egingo dute Vila. Herrikidea aska dezatela eskatzeko, protesta egingo dute Irunen bihar, 20:00etan, PSEren egoitzaren aurrean.
Fermin Vila epaitzen ari dira egunotan Belfasten
Espainiako Auzitegi Nazionalak egindako bi euroagindu eskaera aztertzen ari dira Ipar Irlandako auzitegian
Iruzkinak
Ez dago iruzkinik
Ordenatu