GASTEIZ. Covid.eus aplikazioa aurkeztu zuen atzo Eusko Jaurlaritzako Osasun sailburu Nekane Murgak. Koronabirusa geldiarazten laguntzeko asmoz sortu dute, EricTel enpresarekin batera. Asmoa da laguntzea haren prebentzioan, detekzioan eta bilakaeraren berri izaten. Lankidetza publiko-pribatuaren emaitza da, eta dagoeneko eskuragarri dago Androiden; laster prest egongo da IOSen ere. Tresnak OMEren eta Gaixotasunak Kontrolatzeko Europako Zentroaren eredu bera erabiltzen du
Osasun Sailak azaldu zuenez, «ebidentzia zientifikoan» oinarrituta dago aplikazioa, eta «berme guztiak» betetzen ditu. Gainera, azpimarratu du datuak modu «anonimoan» zabalduko direla. Aplikazioan sartzeko, bi gauza soilik beharko dira: posta edo sakelako telefono bat (kontu faltsua ez dela egiaztatzeko), eta posta kodea, erabiltzailea non bizi den jakiteko. «Hori guztia, anonimotasuna zaintzeko eta datuen babesa betetzeko helburuarekin».
Koronabirusa
Gaitza gelditzen laguntzeko gailua, eskuragai
Iruzkinak
Ez dago iruzkinik
Ordenatu