Espainiako Auzitegi Nazionalaren esanetan, ez dago nahikoa frogarik Garikoitz Aspiazu ustezko etakideak Enrique Ibarra Correo taldeko presidenteordeari 2002ko urtarrilean lehergailu bat igorri ziola baieztatzeko. Hortaz, auzi horregatik absolbitzea beste aukerarik ez duela ebatzi du epaimahaiak, «orduan ETAkoa zela jakina izan arren ezin daitekeelako frogatutzat eman eraso hartan parte hartu zuenik».
Frantzian dute espetxeratua Aspiazu, baina maiatzaren 30ean Espainiaren esku utzi zuten aldi baterako, Espainiako Auzitegi Nazionalean dituen auziek aurrera egin dezaten. Lehen epaia izan zen atzo kaleratutako absoluzioa.
ETAko buruzagitzat jo izan dutenak 21 auzi ditu epaitzeke.
Garikoitz Aspiazuk lehen epaia jaso du: absoluzioa
Enrique Ibarrari lehergailua igortzea egozten zioten, baina epaileek ez dute froga nahikorik aurkitu
Iruzkinak
Ez dago iruzkinik
Ordenatu
