Garinoaingo alkatetzari uko egin dio DNE alderdiko lehen hautetsiak

Derecha Navarra y Española (DNE) alderdiko Gonzalo Bikuñak uko egin dio Garinoaingo alkatetzari (Nafarroa). Hori dela eta, gaur egingo duten udalbatzarrean beste hautagai bat aurkeztu beharko du DNEk. Bikuñak abenduaren 30ean hartu behar zuen kargua, baina ez zen azaldu udaletxeko ekitaldira, «gaixorik» zegoela eta. Nieves Cipres DNEko presidenteak azaldu duenez, Bikuña «ez dago bere kargua betetzeko moduan».

Garinoainen azaroaren 20an egin ziren udal hauteskundeak, Gorteetarako hauteskundeekin batera. Aurkeztu zen hautagaitza bakarra DNE izan zen; eta, botoen %5,6lortu zituenez, alkatetza hartu ahal izango du.