Gaur pasatuko dira epailearen aurretik igande goizaldean Basaurin atxilotutako lau gazteak. Deklarazioa konfiantzazko abokatuekin egiteko aukera izango dute, Espainiako Auzitegi Nazionalean; atzo ere abokatuekin deklaratu ahal izan zuten Poliziaren aurrean. Guardia Zibilak atxilotu zituen Iker Hernandez, Eneko Eguren, Ibon Santamaria eta Liher Bilbao, Bilboko Santutxu eta Otxarkoaga auzoetako bizilagunak. Berri agentziek zabaldu zutenez, telefono hedagailu bati su emateko asmotan zirela atzeman zituzten.
Ezker abertzaleak kezka adierazi zuen gazteen egoeraren inguruan, eta esan zuen «premia larria» dagoela «indarkeria gertakariak eta eskubide urraketa etengabea» gainditzeko. Igande iluntzean, 200 bat lagunek salatu zituzten atxiloketak, Santutxun. Atzo, berriz, manifestazioa egin zuten, Otxarkoaga auzotik abiatuta.
Gaur deklaratuko dute Auzitegi Nazionalean Basaurin atxilotutakoek
Iruzkinak
Ez dago iruzkinik
Ordenatu
