Hona hemen, aurrerapen gisa, Gemma Zabaletaren esan batzuk:
- "Niretzat aurkikuntza ikaragarria izan da euskara ikastea. Zoritxarrez, hemen, Euskal Herrian, bi kultura bizkarra emanik bizi dira: erdal eta euskal kultura. Nik orain deskubritu ditut euskal kultura, literatura, musika…; dena. Aldi berean, nire nortasuna ere nolabait deskubritu dut. Barnetegian ikasten duguna ez da soilik hizkuntza bat; Euskal Herriko nortasuna ere ikasten dugu, eta horrek izugarrizko garrantzia du".
- "Jaurlaritzaren eta hemengo beste administrazioen lehentasuna euskara izan behar da, gure hizkuntza eta gure kultura sustatzea eta bultzatzea. Ez dut uste nahikoa sustatzen denik. Inbertsio ekonomiko handia egin behar da hori defenditzeko eta hori bultzatzeko, ezinbestekoa da hori".
- "Gustatuko litzaidake euskal alderdi sozialista proiektu berri batekin ikustea, Euskal Herriarengan pentsatzen. PSOEren menpe bizi da, autonomia falta du".
- "Kataluniako bidea eta Euskal Herrikoa bera izan behar dira, eta hori da erabakitzeko eskubidea onartzea, eta gero, eskubidea gauzatzeko, akordio politikoa lortzea estatuarekin. Bide demokratikoa da, eta iritsiko da erreferendum bat".
- "Panorama politikoa astintzeko ordua iritsi da Euskal Herrian, eta erabakitzeko eskubidea defendatzea ez da Kataluniaren kontua bakarrik. Gure ordua ailegatu da".
