Udaltzaingoak jakinarazi duenez, Txagorritxuko etxebizitza batean gertatu da erasoa, 02:50 aldera. Ordu horretan, emakume batek udaltzainei deitu die, eta azaldu bikotekideak jo duela.
Udaltzainak bertara joan dira, eta, andreak kolpeak zituela egiaztatu ostean, Txagorritxuko erietxera eraman dute, bertan arta zezaten. Etxera eraman dute ondoren. Gizonezkoa atxilo hartu dute, genero indarkeria delitu bat egitea egotzita.
