Gasteizko udaltzainek 20 urteko gizon bat eraman zuten atzo eguerdian polizia etxera, identifikatzeko. Gasteizko Udaltzaingoaren arabera, polizia etxean zeudela, gizonak esan zien ziegan geratu nahi zuela, atxilotuta, eta ez zela handik aterako. Udaltzainek uko egin zioten gizona atxilotzeari, eta kanpora eraman zuten. Gizonak, ordea, sartu egin nahi zuela esan zien, eta baita sartu ere, aparkalekuko ate batetik.
Udaltzainek gizonari berriro esan zioten ezin zela bertan egon. Orduan, Gasteizko Udaltzaingoaren esanetan, ukabilkada bat eman zion bularrean udaltzain bati. Gizona atxilotu egin zuten, agintaritzaren kontrako atentatua delituagatik.