Eneko Gogeaskoetxea Erresuma Batuan dago preso, eta haren defentsa abokatuak ohartarazi du presoa Espainiaratzen badute han ez duela epaiketa justurik izango. Londresko Auzitegi Gorenak atzo aztertu zuen Gogeaskoetxearen egoera. Urtarrilean presoa estraditatzearen alde egin zuen Westminsterko Auzitegiak, eta erabaki horren aurka helegitea aurkeztu zuen defentsak. Abokatuak nabarmendu duenez, estradizio eskaeran jasota dauden ustezko delituez gain, beste batzuk leporatu dizkiote Espainian, eta horrek Erresuma Batuko legediak jasotzen duen klausula bat urratzen du. Iazko uztailean atxilotu zuten Gogeaskoetxea, Espainiako Auzitegi Nazionalak eskatuta.
Bestalde, Iñaki de Juanaren defentsak helegitea aurkeztu du Belfasteko epaitegian, Espainiak hura estraditatzeko eginiko eskaeraren aurka. Belfasteko epaitegiak ez du De Juanaren berririk 2010eko martxotik, eta herrialdetik alde egin duela uste du.
Gogeaskoetxeak ohartarazi du Espainian ez duela epaiketa justurik izango
Espainiaratzearen aurka aurkeztutako helegitea aztertu dute Londresko Auzitegi Gorenean
Iruzkinak
Ez dago iruzkinik
Ordenatu
