EHUko Itsas Bentoseko taldeko irakasleek egindako ikerlan baten arabera, 30 urtean batez beste gradu bat berotu da Bizkaiko itsasoko ura. Horren ondorioz, itsas landaredian aldaketa garrantzitsuak jazotzen ari dira. Esate baterako, adaburuko algak desagertzen ari dira pitinka-pitinka. Adaburuko algak lurreko zuhaitzen parekoak direla nabarmendu dute ikerketa egileek.
Irakasleek adierazi dute algak oso hauskorrak direla klima aldaketaren ondorioen aurrean. EHUko ikerketa Estuarine, Coastal and Self Science aldizkarian argitaratu dute.
Klima aldaketaren ondorioak Euskal Herrian ere nabariak dira, beraz.
