ELA, LAB, EILAS, EHNE, Hiru, ESK, CNT eta hainbat erakunde sozialetako ordezkariek Confebasken egoitzaren aurrean egin dute gaur protesta, BIlbon, Patronalak greba hau merezi du lelopean. Maiatzaren 30erako giroa berotzeko hainbat protesta egiten ari dira aurretik, eta datorren maiatzaren 25ean Hego Euskal Herriko lau hiriburuetako "kaleak betetzera" deitu dute.
"Euskal Herriarentzat eskubide sozialei buruzko itun baten garapena bultzatzeko" antolatu dituzte manifestazioak, eta "murrizketen aurrean herritarren eskubideak defendatzeko", Isabel Castro ESK sindikatuko ordezkariak jakinarazi duenez. Enpresariek lan erreformaren abantailak baliatzen dituztenean "ase ezintasuna" dutela ere salatu dute.
