Hainbat euskal presoren egoeraren gaineko kezka agertu du AAMk

Andoni Zengotitabengoa euskal presoa Portugalgo Monsanto espetxean dago iaztik,ETAko kide izatea leporatuta atxilotu zutenetik.

Espetxeratu zutenetik bakartuta dago, Amnistiaren Aldeko Mugimenduak jakinarazi duenez, eta, gainera, bizi-baldintza «oso latzetan» dagoela adierazi du.

Dagoen egoera salatzeko, gose grebari ekin zion presoak larunbatean, eta espetxean dauden beste hamar preso ere atxiki zaizkio.

Ainhoa Mujika ere, bakartua

Azken bi hilabeteotan bakartua dago Ainhoa Mujika ere, Piccasenteko espetxean. Gutun bat bidali zioten euskal presoek espetxeko zuzendariari, eta, gainera, borrokaldian sartu dira preso horren egoera salatzeko.

Bestalde, Jose Luis Campo donostiarra atzogoizean atera zuten Tolosako (Okzitania) atxikipen zentrotik.