Lehengo astean jokatutako Euskal Herriko Itzulia hartu du gaitzat Buatxabalek trixerta egiteko. Bizikleta bat da irudi nagusia, eta Hankarteko Matxina esaldia jarri dute bizikletaren behealdean. Bi koloretako elastikoak egin dituzte kasu honetan: txuriak eta urdinak.
Elastikoek 25 euro balio dute —etxerako bidalketa eta BEZa barne—, eta BERRIAlagunek %10 merkeago izango dute: 22,5 euroan. www.berria.eus/trixertak helbidean erakutsiko dira diseinu berriak, eta hor bertan erosi ahal dira. Baita telefonoz ere: (0034) 943-30 43 45.
BERRIAk euskal sortzaileekin elkarlanean abiatutako egitasmo bat da trixertarena. Zaldieroa, Savanna Studio, Unai Iturriaga eta Buatxabal sortzaileak ari dira BERRIAko albisteak kamiseta bihurtzen. Sortzaileak arduratzen dira sormenaren arloaz; Oninart estudioak egingo ditu ekoizpen lanak, eta elastikoak BERRIAk hedatuko ditu.
Euskal sortzaileek propio erosleentzat egindako elastikoak eskatu ahala inprimatuko dituzte, eta eskatzaileari etxera iritsiko zaio zuzenean, erosi eta hamar eguneko epean. Aurreko asteetan kaleratutako kamisetak ere eskatu ahal izango dira.
