Larrialdi zerbitzuak lanean ari dira Gorlizen (Bizkaia), itsasora erori den hegazkin arin bateko bidaiariak ateratzen.
Eusko Jaurlaritzako Segurtasun Saileko iturriek BERRIAri azaldu diotenez, larrialdi abisua 13:00etan jaso dute. Hegazkinetik bertatik ohartarazi diete motorrean arazoak zituztela.
Itsasora erori dira handik gutxira. Itsas salbamendua, Gurutze Gorria eta Ertzaintza han dira. Segurtasun Saileko iturrien arabera, hiru bidaiari atera dituzte uretatik; hipotermia dute, baina bizirik dira. Lehorrera daramatzate orain ontzi batean.
