Herri txiki, golf zelai handi

Hirigintza proiektu handia da Aroztegikoa: familia bakarreko txaletak, bi familiakoak eta bestelako etxebizitzak; 135 logelako hotela; luxuzko jatetxea; eta bederatzi zuloko golf zelaia, golf eskola eta praktikarako zelaia eraikiko dituzte 45 hektareako lur eremuan. Lekarozen dago lursaila; hortaz, 700 bat bizilaguneko auzunea sortuko litzateke, gaur egun 300 pertsona bizi diren herri batean.