Iazko abenduan aurkeztu zuen Gure Esku Dago erabakitzeko eskubidearen aldeko plataformak Jostunak, herritarren borondatek jositako istorio bat dokumentala. Hilabeteotan, 120 emanaldi inguru izan ditu.
Dokumentalean sartu ez zituzten istorioak Jostunak.eus webgunean bildu dituzte orain. Horrela azaldu du dinamikak egitasmoa: "Orain, dokumentalean ageri ez diren istorio horiek kontatzera gatoz, istorio horietako protagonista diren jostunak kamera aurrean jarrita".
Herritar xumeak, jostun lanak egiten. Ederra!! @GureEskuDagohttps://t.co/soiDNBM0m8
— Gure Esku Tolosaldea (@GEDTolosaldea) April 21, 2015Hiru lagunen testigantzak sareratu dituzte oraingoz, eta astero-astero elikatuko dute webgunea. Euskal Herriko Unibertsitatearekin eta Mondragon Unibertsitatearekin elkarlanean abiatu dute egitasmoa, ikasleak ari baitira dinamikan praktikak egiten.
Bestalde, egoitza zabaldu du Gure Esku Dago-k Bilbon, Buenos Aires kalean; "herritarren parte hartzerako espazio berri bat", dinamikaren esanetan. Asteburuan, berriz, Joste Eguna ospatuko dute herriz herri.
