Gipuzkoa Encounter 7 martxan da. Gaur hasi eta igandean amaituko da, eta, hiru egunez, Gipuzkoan egiten den ordenagailu eta teknologia berrien topaketarik handiena egingo da Tolosan (Gipuzkoa).
Jokoak, sari garrantzitsuak, lehiaketak, animazioak eta abar egongo dira. 600 lagunetik gora izango dira izena eman duten parte hartzaileak, hau da, hiru egunetan Usabal kiroldegitik atera ere egingo ez diren ordenagailu zaleak.
Herriko eragileekin aritu dira antolakuntza lanetan, eta, horrez gain, herritar orori zabaldutako egitarau irekia osatu dute.
