Espainiako Auzitegi Nazionalak koordinatu du polizia operazioa. Espainiako Gobernuak EAEn duen ordezkaritzak jakinarazi duenez, poliziak ikerketa abiatu zuen ETAren "borroka armatuarekin jarraitzea" eskatzen zuten hainbat mezu atzeman zituenean sare sozial batean.
Ikertu dituzten sare sozialetako perfilak "oso aktiboak" direla adierazi du Espainiako Gobernu Ordezkaritzak, eta "jarraitzaile asko" dituztela. Azaldu duenez, ETAren jardun armatuarekin jarraitzera dei egiten zuten haien mezuetan, harik eta Euskal Herriaren independentzia eta euskal presoen amnistia lortu arte.
