Zarraoaren esan batzuk:
- "Gure Esku Dago-n gero eta jende gehiago nahi badugu, erabakitzeko eskubidea defenditzen segitu behar dugu, pausoak neurtuz. Jendeak ikusi behar du eskubide baten defentsan ari garela, ez proiektu politiko baten alde.
Sinesgarritasuna izateko, tentuz aritu behar dugu".
- "Erabakitzeko eskubidearen alde jende gehiago dago, independentziaren alde baino. Hura aldarrikapen zabalagoa da. Independentista garenok ere ikusten dugu topagunerako aldarri bat izan daitekeela erabakitzeko eskubidea".
- "Ibarretxeren garaikoa mugimendu instituzional bat izan zen, ez gizartetik sortutakoa. Madrilek ostikoa eman zuenean, gizarteak ez zuen erantzun. Orain, Gure Esku Dago-k nahi du gizarteak babestu eta bereganatu dezala erabakitzeko eskubidea".
- "Hau pertsonalki esango dut, ez Gure Esku Dago-ko kide gisa: hasieratik independentziaren bidea EAEk soilik jorratu behar badu, jorra dezala".
