Ostiraleko omenaldia 19:00etan egingo dute Bilbon, Cabacasek pilotakada jaso zuen lekuan. Lore eskaintza bat egingo diote, eta haren omenezko plaka bat jarriko dute.
Hilaren 9an, 19:00etan, Bilboko Kafe Antzokian ekitaldi bat antolatu dute. Horretan, dokumental bat eskainiko dute; Jare taldearen kontzertua ere izango da. Hilaren 10 eta 11n hitzaldi zikloa izango da Bilboko Hika Ateneoan.
Azkenik, apirilaren 13an, martxa bat egingo dute, Jesusen Bihotzatik abiatuta, 18:00etan.
