'IKASTEA' WEBGUNEA AURKEZTU DUTE

Eusko Jaurlaritzako Hezkuntza sailburu Isabel Zelaak Ikastea.hezkuntza.net webgunea aurkeztu zuen atzo, Bilbon. Ataria «hezkuntza arloko kide guztien topaleku» izateko helburuarekin sortu dutela azaldu du Zelaak, eta webgunean parte hartzeko deia egin die ikasleei, irakasleei, familiei eta ikastetxeei. «Parte hartzea hezkuntza hobetzeko ezinbesteko elementua da, aldaketak iraunkorrak izatea ahalbidetzen duelako», esan du Zelaak.