Altxamendu frankistaren 75. urteurrenaren karietara, instituzio eta kaleetatik sinbologia faxista ken dezatela eskatu zuten Bilboko Moyua enparantzan atzo iluntzean egindako elkarretaratze batean. Sare Antifaxistaren deialdiarekin bat egin dute Eusko Alkartasunak, Alternatibak eta Gazte Komunisten Kolektiboak.
Trantsizioaz geroztik diktadura garaiko giza eskubideen urraketak ordaintzeko borondate politikorik ez dela izan salatu du Memoria Historikoaren Berreskuratzerako Elkarteak.
Bestalde, altxamendu militarra eta diktadura frankista ofizialki gaitzetsi ditzatela eskatu die NaBai koalizioak Nafarroako eta Espainiako gobernuei. Eusko Jaurlaritzak ere Espainiako Gobernua horretarako estutzea proposatu du Aralarrek Eusko Legebiltzarrean.
Ikur faxistak instituzio eta kaleetatik kentzeko eskatu dute elkarretaratze batean
Iruzkinak
Ez dago iruzkinik
Ordenatu
