Eusko Jaurlaritzako Segurtasun Sailak jakinarazi duenez atxilotua 41 urteko gizonezko bat da. Atzo goizaldean atxiki zuten; kalean negarrez ari zen andre baten berri izan zuten lekuko baten bidez, eta harengana joan ziren. Hark esan zien gizonak etxean itxita eduki duela iragan bi hilabeteetan, eta tratu txarrak ohikoak izan direla tarte horretan. Ordu batzuk lehenago ere, eraso egin ziola azaldu zien, eta ihes egitea lortu zuela. Kolpeen arrastoak zituen andreak eta Irungo osasun zentrora eraman zuten, bertan arta zezaten.
Atzo bertan epailearen aurrean deklaratu zuen atxilotuak. Libre utzi zuen hark. Andrearengana hurbiltzeko debekua ezarri dio.
