Istripua izan dute preso bat bisitatzera zihoazela

EUSKAL PRESOAK. Galiziako Curtis espetxera iristear zirela, istripua izan zuten apirilaren 2an Julen Larrinaga presoaren bi adiskidek, Etxerat preso eta iheslarien senide eta lagunen elkarteak atzo jakinarazi zuenez. Istripuaren ondorioz, bi lagunek zaintiratua dute lepoan, eta haietako batek baita belaunean ere. Ez zuten bisita galdu, kartzelatik hurbil izan zutelako ezbeharra.