Izarbeibarko euskara ordenantza aldatzeko agindu du auzitegiak

Nafarroako Administrazio Auzitegiak bertan behera utzi ditu Izarbeibarko (Nafarroa) euskararen ordenantzako hainbat puntu. Euskararen Legearen aurkakoak direla dio epaiak. Hori kontuan hartuta, Izarbeibar Mankomunitateak ezingo die eskaririk egin euskaraz gainerako administrazioei. Gainera, bidaltzen dituen dokumentu eta jakinarazpenak ezingo dira bi eletan egon.Mankomunitatearen izena gazteleraz izango da, eta errotulazioa publikoa ere bai. Garesko (Nafarroa) herritar batek euskararen ordenantzari jarritako helegitearen ondorioz hartu du erabakia auzitegiak.