Fuente Ymbro ganadutegiko zezenak izan dira korrika gaur zazpigarrren entzierroan. Lau minutu eta hamabost segundotan egin dute ibilbidea.
Zezen eta joaldunak ez dira izan protagonista, ordea. Zezenak plazara iristen ari zirela, korrikalari batzuk erori dira plazako sarreran, eta atzetik zetorren jendea ere gainera erori da. Horrek multzo handi bat sortu du, eta korrikalari asko geratu dira azpian harrapatuta. Osasun zerbitzuek oraindik ez dute jakinarazi zenbat pertsona artatu dituzten plazan.
Jende olde hori plazako sarreran zegoen zezenak iritsi direnean. Pilaketa horretan bat egin dute zezen eta joaldunek, baina ez dira mugitu. Azkenean, plazako korridoretik eraman dituzte zezenak zezendegira.
