Espainiako Gobernuak eginiko Abortuaren Lege aurreproiektuaren kontra mintzatu da gaur Roberto Jimenez PSNko idazkari nagusia, 2013. urteko balorazioa egiteko agerraldian. Lege egitasmo hori "basakeria" dela esan du, eta salatu du "Erdi Arora" itzultzea eragingo duela legeak.
PSNk "beharrezko diren ekimen guztiak aurkeztuko ditu aukera duen eremuetan, Espainiako Kongresutik erkidegoetako parlamentuetara eta udaletara", lege egitasmoa ez ezartzeko. "Beharrezkoa bada", PPren lege proiektuaren kontra manifestaziora joko du PSNk, Jimenezen esanetan.
