Azken orduentan euri asko bota du, eta joan zen astean izan zen luizia are gehiago mugitu da Ondarroako Kamiñalde kalean (Bizkaia). Joan zen astean oinezkoentzat eta autoentzat bide zati batzuk itxi zituzten. Orain, ordea, 40 etxebizitza hustea erabaki du Udalak, segurtasun arrazoiengatik.
Udaleko arduradunak gaur elkartu dira etxe horietako bizilagunekin, egoeraren berri emateko. Bihar prentsaurrekoa ematekotan dira.
