Jon Iñaki Perez kartzelara bidali du Andreu epaileak

DONOSTIA. Jon Iñaki Perez Aranburu espetxeratzeko agindu du Fernando Andreu Espainiako Auzitegi Nazionaleko epaileak. Ostiralean atxilotu zuten, Irunen (Gipuzkoa), Frantziako Estatuaren euroagindu eskaera bati erantzunez. Dena den, Perez Aranburu oraindik ez dute estraditatuko, eta euroagindu prozesuak Auzitegi Nazionalean segituko du. 2005ean eman zuen Frantziak hura atxilotzeko agindua, ETAko kide izatea leporatuta.